الرباط اليوم: كووود
الممثل محمد الشوبي كان ديما كيوصف المؤثرات اللي عندنا في المغرب ب”المؤخرات”، ودابا وصلنا لهدرتو. المؤثرة عبير براني حطات صورة ديالها من الظهر بمايو سترينكَ.
طبعا، كيف كنقولوها ونعاودوها ديما، حنا في “كود” معندناش مشكل مع الحريات الفردية والواحد يلبس اللي بغى ويكون مرتاح ومتصالح مع ذاتو، لكن في الحالة ديال عبير البراني، كاين سياق وكاينة صورة. الصورة اللي كيعطيو هاد الانسانات للجيل الصاعد وخاصة للمراهقات، ان النجاح كيجي غير بالمؤخرة وماشي بالدماغ والخدمة والاستقلال. اه عري وعيشي حياتك وديري اللي بغيتي ولكن ماشي بفكرة (المؤخرة تساوي الفلوس والاشهار والبوز) بل بفكرة المؤخرة تساوي الحرية والتحرر والنضال ضد التدعشيش والتزمت. وكشخصية عامة خاص الواحد يفكر مزيااان فالمثال اللي كيعطي.
عبير كاينة حاليا فالتايلاند وحطات التصويرة، ودازت واحد نص ساعة وهي تمسحها، اي غير بغات البوز باي ثمن.