بشرى الضو، 31 سنة، من مواليد جرادة، عندها إجازة فالحقوق من جامعة القاضي عيّاض و دبلوم الصحافة من المعهد الخاص للإتصال وعلوم الإعلام بمراكش، (كاين اللي كيقول بأنه ما عندهاش الباك و دخلات لداك المعهد الصغير غير بنيفو باك)
كي خدات الدبلوم خدمات مع جريدة الصحيفة، من بعدها مشات لجريدة المشهد قبل ما تخدم مع أنوزلا فجورنال سميتو الجريدة الأولى.
علي أنولا اللي كتعتبرو القدوة ديالها فعالم الصحافة، و هو اللي كان ليه الفضل لكبير لما وصلت إليه بشرى، خصوصا أنها كتحتفظ بذكرى لن تنسى معاه ف 2009 فاش يالله كانت بادية بشرى و الحماس و داكشي من اللّي إعتقلوهوم البوليس و إستنطقوهم لساعات طوال من بعد ما نشرات خبر أن المليك مريض بشي مرض أخور ماشي الأنفلونزا اللي كان أعلن عليها الديوان الملكي فديك الوقت.
من بعد هاد الشدّة، كل واحد مشا فطريق، و بشرى مشات للراديو وبدات كدير الحوارات مع الشخصيات ال VIP دالمغريب.
بشرى كتنحدر من عائلة بسيطة ما فحالهاش، فاش يالله جات تخدم فالصحيفة كانت كارية بيت مع الجيران و كانت كتمشي للخدمة على رجليها باش توفّر فلوس الطاكسي.
بشرى كافحات و خدمات، و عرفات من اين تؤكل الكتف، و إستطعات فظرف وجيز تربط علاقات مهمة مع ناس مهمّين فالبلاد، ولّى عندها الكرين كارد تلاقا بيه أي شخصية بغات، و إسنتافدات مزيان من علاقتها مع شركة عليان و آل عيّوش.
شحال من واحد كيقول هادي ما عندها علاقة بالصحافة، لكن العكس هو الصحيح، هي عارفة أش كدير، و ذكية، و خالقة البووز و برامجها و حواراتها كيتشافو أكثر من لالا لعروسة.
بشرى الضو سنات عقد مع رشيد نيني بمبلغ مهم بزااف، خمسين ألف درهم للشهر مقابل تجيب ضيوف لبرنامجها ضريبة الشهرة.
بشرى دابا ولاّت كتلبس غير السينيي و عندها سيّارة مُعتبرة لا داعي لذكر إسمها، و دارت إسمها فالسوق فالمغريب.
بزااف ديال الناس ما عارفينش بأن بشرى عندها غير أذن وحدة، عليها ديما كتغطي بشعرها الجهة اليمنى اللّي ما فيهاش ديك لوذن.
بشرى الضو يقال أنها على علاقة برئيس جامعة الفوتبول، و أن هناك كلام عن زواج محتمل فالقريب العاجل، و أنها شبعات سفريات و رحلات لأوربا و الفنادق خمس نجوم.
بشرى الضو فاش تزوّج الأمير رشيد دخلات فأزمة إكتئاب حادة لم يعرف سببها ليومنا هذا، و تفتخر بأنها على علاقة صداقة بالأميرة سكينة.
عالعموم بشرى الضو شخصية مثيرة للجدل، لكن يبقى أنها إستطعات تفرض إسمها بقوة فعالم المشاهير فالمغريب.
